My eerste stuiwer in die armbeurs

Hallo aan al die brawe mamma’s en pappa’s met redenaar- snippe!

My eerste stuiwer in die armbeurs

Hoeveel van u het nie in 2018 heelwat floutes gehad oor ‘n onseker kind met ‘n hoopvolle juffrou nie?  Ek weet wat u deur is, want ek is ‘n mamma van TWEE sulke dogters:  ousus het gehakkel en kleinsus is ‘n voor-op-die-wa rebel wat glo sy kan die wêreld verander! Nodeloos om te sê, redenaarseisoen was ‘n nagmerrie, en die Afrikaanse juffrou het geglo sy doen hulle selfbeeld goed!

Die belangrikste 5 goed om te onthou in so ‘n bekkige situasie, is:

1. Kies ‘n onderwerp wat binne u kind se verwysing val.
2. Laat u redenaar by u sit terwyl u dit skryf.
3. Indien u redenaar al goed kan lees, laat hom/haar die bron saam met u lees wanneer u na dit verwys ( u kan selfs ‘n foto van die skrywer van die bron google sodat u kind ‘n prentjie van die persoon het).
4. Kies u woorde versigtig!
5. En die belangrikste….SKEP ‘N ONTSPANNE ATMOSFEER TYDENS HIERDIE SESSIE!

Onthou:  ‘n gelukkige kind is belangriker as ‘n wenner redenaar!

GENIET U BEKKIGE REDENAAR TOT ONS VOLGENDE WENKE!